نكت مغربية 100%

بسم الله الرحمن الرحيم
السلام عليكم و رحمة الله تعالى و بركاته
استاذ ديما يسول دراري .. باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصيك ... دري قالها لباه.. باه قال ليه مني يسولك رد عليه بالدجاج ... الغد استاذ سول الدري.. الدري قال ليه بالدجاج... سولو شحال من واحدة.. قال ليه جوج زلافات
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع

استاذ بغا يدير فرض لدراري على غفلة..قال ليهم عندكم غدا فرض على غفلة



هدا واحد خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة ... البركاني جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع



واحد مكلخ شرا بورطابل.. دارو فجيبو.. واحد الوقت بدا يفيبري... لاحو.. قال ولد الحرام باعو ليا حي ..



قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999رجل???) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم



هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل فال ليه بابا امتا هاتجيت لحولي



قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش



بخيل نجح ولدوا شرا ليه بالون قال ليه الا نجحتي لعام جاي نفخها ليك



فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو



واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله



وحدة قالت لراجلها في شهر العسل قول ليا شي حاجة حلوة.. قال ليها سكر... قالت ليه للللا شي حاجة تجمعنا انا وياك ... قال ليها صطافيط



واحد كيكتب نقز السطر.. هوا يتهرس



واحد شرا صباط كبير عليه.. هوا يحتارموا



جوج بخلاء مسافرين فالكار .. واحد منعسش قال ليه صلحبو مالك منعستي.. قال ليه واحد سلفتو 10 دراهم مجاني نعاس ... قال ليه هاد 10 دراهم باش تقدر تنعس..من بعد ساعة فيقو قال ليه ايوا رد ليا دابا 10 دراهم باش نعس تانا



ربعة ديال الناس غاديين خرجو ليهم 2 شفارا... واحد قال لصحابو هيقتلونا.. قالو ليه علاش.. قال ليهم هما جوج وحنا بوحدنا



واحد بغا يدور لحريرة ... داها لمدينة



واحد حل لبلاكار.. لقا حوايجو معلقين.. هوا يتبعهم



لحناش تابعين شي حشاشين . خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مالك كضحك.. قال ليهم شفت كنور بالدجاج بالحوت غير عمرني ماشفتو بالحناش



حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو



واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين



واحد شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم musculation

cent trois او ملي سولوه شناهو موتورقال ليهم



واحد كتب ليه طبيب دوا .. قال ليه شربو ورا القهوة.. صاحبنا مشا لورا واحد القهوة فالدرب شربها



الاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك فاش خدام... الدري: لا تاهوا غير كايحلم



معلم طلب انتقال صفطوه لبير جديد... من بعد 5 سنين صيفطون لبير انزران.. من بعد صيفطوه لبير اللفت.. طلع ليه الدم كتب لوزير قال ليه واش انا معلم اولا سطل



جحش( حمار صغير) كبر مشا كيجري عند مو قال ليها ماما وليت حمار.. قالت ليه مالك كنتي مهندس



واحد أول مرا شاف مسكا ... بدا ينضغ فيها.. حلف ماينعس تايكملها



واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة... الحاج قال ليه تخلطها نخلطك



واحدة شدوها شفارة قالو ليها عطينا تلفون ديالك وللا نقتلوك قالت ليهم 071550466



واحدا كتوحم على البابوش .. راجلها نسا ومشا لبار بدار يشرب... واحد لوقت تفكر مشا جاب لبابوش وحطو قدام لباب .. مني حلات ليه قال ليها من صباح ونا معاهم باش يزيدو دغيا



واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس



واحد قال لباه عطيني درهم ندور... قال ليه هاك درهم وسير نيشان



هذا صلع و صلعة ولدو دري عندو زغبة وحدة سماوه لمشعكك



هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ، وصل تماك بالليل وناض الصباح بكري تيدور بوحدو وتيتسنى يدوز شي واحد باش إقول ليه الداخ، شوية دازت واحد النصرانية وسبقاتوا قالت لو الداخ معرفش باش إجاوبها وقاليها دردلاخ



هدا واحد شفار دخل باش ايسرق واحد الدار ملي دخل لقا مرا او راجلها كال للمرا شنو سميتك كالت ليه حليمة كال ليها حليمة سميت مي ماغانقيصكش او سول الراجل كاليه سميتي بوعزة او كيعيطو عليا حليمة



قال ليك هادي واحد المرأة شارفة جأت من الحج , وهي تخرج في يوم الغد باش تفرق الشريحة و التمر على دراري صغار , المهم ركبات على حمارها و مشات وحد شوية و هو يدوز من حداها واحد القط و قال ليها صباح الخير الحاجة و هي تقفز و قالت هاو حتا من المشاش ولاو تيهضرو و هو يقول ليها حمارها هانتي تشوفي ألحاجة



قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال



اذا لم تضحك فلا تكتب ردا

لا اله الله محمد رسول الله صلى الله عليه و سلم